Kush e mbështeti Eliza Hoxhën në garën për kreun e shtetit?

Deputetja e Partisë Demokratike të Kosovës, Eliza Hoxha, e cila ishte kandidate për postin e Presidentes së Kosovës, ka zbuluar detaje mbi votimin e mbajtur në Kuvend, ku ajo arriti të sigurojë vetëm një votë. Në një prononcim për emisionin “Frontal”, Hoxha ka sqaruar se vota e vetme në emrin e saj erdhi nga kolegu i saj partiak, deputeti Artan Behrami. Ajo theksoi se pjesëmarrja e saj në atë proces kishte për qëllim kryesisht përmbushjen e formaliteteve të nevojshme procedurale. “Bëhet fjalë për Artan Behramin. Unë aty thjesht krijova mundësinë që procesi të formalizohej”, deklaroi Hoxha gjatë intervistës. Kujtojmë se Eliza Hoxha ishte kandidatura zyrtare e PDK-së përballë Justina Shiroka-Pulës, e cila ishte propozuar nga Lëvizja Vetëvendosje. Në përfundim të procesit të votimit, Shiroka-Pula u zgjodh në krye të shtetit, ndërsa Hoxha e mbylli garën me mbështetjen e një votuesi të vetëm.