Suksesi i radhës në SHBA: Shqiptarja Thëllenza Krasniqi merr postin e lartë në OKB

Thëllenza Krasniqi ka shënuar një arritje të rëndësishme në karrierën e saj profesionale, duke u emëruar në pozitën e Sekretares së Shoqatës së Kombeve të Bashkuara (UNA-USA) për degën e Westchesterit në Shtetet e Bashkuara të Amerikës. Lajmi për këtë detyrë të re është bërë i ditur nga familjarët e saj. Përmes një mesazhi emocionues në rrjetet sociale, motra e saj ka ndarë gëzimin për këtë sukses, duke vlerësuar kontributin e vazhdueshëm të Thëllenzës në çështjet që lidhen me të drejtat e njeriut, drejtësinë sociale dhe barazinë. “Ndjehem pafundësisht krenare për rrugëtimin e motrës sime dhe për të gjitha sukseset që ajo po korr. Përkushtimi i saj i palëkundur ndaj vlerave të drejtësisë dhe barazisë shërben si një frymëzim i vërtetë për të gjithë ne”, ka shkruar ajo në postimin e saj. Ky emërim konsiderohet si një vlerësim për angazhimin e saj shumëvjeçar, ndërsa familja ka shprehur mirënjohje të thellë për rolin e saj të ri në këtë organizatë prestigjioze ndërkombëtare.