Terras: Stabiliteti politik në Kosovë, mundësi për reforma dhe zhvillim të hovshëm ekonomik

Raportuesi i Parlamentit Evropian për Kosovën, Riho Terras, ka vënë në pah mbështetjen e pakontestueshme të qytetarëve kosovarë për integrimin e shtetit në Bashkimin Evropian. Përmes një reagimi në rrjetin social X, Terras ka nënvizuar se stabiliteti i institucioneve në Kosovë duhet të shërbejë si katalizator për përshpejtimin e reformave thelbësore dhe gjenerimin e rritjes ekonomike në vend. “Dëshira e qytetarëve të Kosovës për anëtarësim në BE është tejet e lartë. Tani është momenti që stabiliteti institucional të përkthehet në reforma konkrete dhe progres ekonomik. Në cilësinë e raportuesit për Kosovën, do të angazhohem për intensifikimin e bashkëpunimit me institucionet vendore, me qëllim që rruga e Kosovës drejt familjes evropiane të përparojë sa më shpejt”, ka deklaruar Terras.