Përplasja për Gjykatën Speciale: Tasholli paralajmëron Brukselin për protestën e 10 tetorit

Bashkimi Evropian ka shprehur shqetësimin e thellë lidhur me nismën për ndryshimin dhe plotësimin e Ligjit për Dhomat e Specializuara të Kosovës. Sipas zyrtarëve të lartë në Bruksel, këto ndryshime përbëjnë shkelje të angazhimeve ndërkombëtare që vendi ka marrë përsipër ndaj bllokut evropian. Kësaj deklarate i është kundërpërgjigjur ashpër Ismail Tasholli nga iniciativa “Liria ka emër”. Ai ka bërë të ditur se qytetarët e Kosovës dhe diaspora shqiptare do të japin qëndrimin e tyre zyrtar pikërisht në Bruksel, më datë 10 tetor. Në reagimin e tij, Tasholli ka theksuar se Zyra e Bashkimit Evropian në Kosovë nuk do të mbetet pa përgjigje, duke rikonfirmuar se protestat e organizuara nga “Liria ka emër” do të vazhdojnë pa u ndalur.