Refuzimi i bujshëm: Manchester City u përpoq të siguronte shërbimet e Aleksandar Pavlovic

Klubi anglez Manchester City kishte hedhur sytë nga Aleksandar Pavlovic, duke nisur përpjekjet që prej muajit mars për të siguruar firmën e mesfushorit të talentuar dhe duke zhvilluar madje bisedime konkrete për këtë transferim. Sipas të dhënave nga mediumi gjerman BILD, drejtuesit e Bayern Munichut ishin vënë në dijeni se “Qytetarët” ishin të gatshëm të derdhnin deri në 100 milionë euro në arkat e klubit bavarez për kartonin e tij, shumë kohë para se kampionët e Premier Ligës të finalizonin operacionet për afrimin e lojtarëve si Bouaddi dhe Fernandez. Edhe pse vetë lojtari e kishte konsideruar ofertën dhe kishte vlerësuar interesimin e lartë të anglezëve, në fund ai mori vendimin përfundimtar për të refuzuar kalimin në ishull. Pavarësisht këtij episodi dhe interesimit intensiv, vlen të theksohet se palët nuk arritën të hapnin asnjë fazë negociatash zyrtare ndërmjet Manchester Cityt dhe Bayern Munichut për të diskutuar kalimin e tij.