Sulmuesi i Kosovës, Fisnik Asllani, solidarizohet me ish-krerët e UÇK-së në Hagë

Sulmuesi i Kombëtares së Kosovës, Fisnik Asllani, ka përcjellë një mesazh mbështetjeje për ish-drejtuesit e Ushtrisë Çlirimtare të Kosovës, të cilët poballafaqohen me procesin gjyqësor në Hagë. Nëpërmjet një postimi në llogarinë e tij zyrtare në rrjetin social Facebook, futbollisti ka zgjedhur të shprehet shkurt, por me peshë, duke shkruar: “Liria Ka Emër”. Ky reagim i sportistit vjen menjëherë pas triumfit të rëndësishëm të Përfaqësueses së Kosovës kundër Irlandës, duel ky i vlefshëm për Ligën e Kombeve. Përfaqësuesja e Kosovës fitojë minimalisht 1-0 nën dritat e stadiumit “Fadil Vokrri”, ku rrjetën e preku kapiteni Vedat Muriqi me golin e vetëm të takimit. Pas realizimit të golit, Muriqi zgjodhi të festonte në një mënyrë të veçantë, duke veshur një fanellë me mesazhin “Jo në emrin tim”, si një dedikim i veçantë për luftëtarët dhe udhëheqësit e lirisë.