E ardhmja e Ronaldos te Portugalia: Ylli portugez thyen heshtjen dhe sqaron gjithçka

Nëpërmjet një deklarate të gjerë në rrjetet sociale, Cristiano Ronaldo ka dhënë sqarimet përfundimtare lidhur me të ardhmen e tij në kombëtaren e Portugalisë, duke hedhur dritë mbi arsyet që çuan në largimin e tij nga grumbullimi i fundit i përfaqësueses. Pavarësisht situatës së tensionuar, sulmuesi ka dhënë një lajm të mirë për mbështetësit e tij, duke konfirmuar se nuk ka ndërmend tërhiqet nga fanella kuqezi dhe se do të vijojë të jetë pjesë e skuadrës kombëtare. Më poshtë është rrëfimi i plotë i 41-vjeçarit: "Siç premtova, dua të shpjegoj drejtpërdrejt se çfarë ndodhi në kampin e fundit të ekipit kombëtar. Pas Kupës së Botës, Presidenti i FPF-së këmbënguli që ta rishqyrtoja largimin dhe kërkoi mendimin tim për trajnerin aktual. Thashë se ai do të ishte zgjedhja e duhur". "Në gusht, trajneri më tha se isha thelbësor për projektin e tij: Do të luaja ndeshjet e para dhe të fundit. Ai sugjeroi që të anashkaloja udhëtimet jashtë fushe, por unë refuzova: një kapiten nuk rri në shtëpi. Simão Coutinho e pa këtë", vijon rrëfimi i tij. Lidhur me ndeshjen, ai shtoi: "Ditën e ndeshjes me Norvegjinë, ai më pyeti nëse isha gati të luaja 30 minuta. Nuk ishte në plan, por unë thashë po. U ngroha nga pjesa e parë dhe nuk më thirrën kurrë. Ai e kishte thyer fjalën. Mospërshëndetja e tifozëve më pas ishte faji im dhe kërkoj ndjesë". Më tej, Ronaldo zbulon prapaskenat e marrëveshjes: "48 orë më vonë, me praninë e Coutinhos, ramë dakord që ai do të thoshte të vërtetën në sallën e shtypit: plani ishte i tij, unë kurrë nuk kërkova minuta dhe të më bënte të ngrohesha pa luajtur ishte një gabim. Ai më kërkoi një përqafim dhe premtoi. Unë miratova një dokument të shkurtër me ato shënime". Por situata mori kthesë tjetër: "Atë mëngjes i kisha thënë Presidentit dhe trajnerit: nëse nuk më doni, thjesht më thoni. Të dy thanë jo. Konferenca për shtyp nuk kishte të bënte fare me atë që ramë dakord. Dëgjova një agresion që nuk e meritoja. Ishte hera e dytë që ai e shkeli fjalën". Duke analizuar vendimin e tij, ai thekson: "Në pothuajse 25 vjet nuk kam ndërhyrë kurrë në një vendim teknik. Por kur fjala ime thyhet, vendi im nuk është aty. U kërkoj falje shokëve të ekipit që u largova. Përgjegjësia është vetëm e imja. FPF duhet të më ndëshkojë pa asnjë rrethanë lehtësuese; si kapiten, ky është një faktor rëndues". Në lidhje me përfoljet për largim përfundimtar, ai sqaron: "Flitet për ndeshje lamtumire. Por mësova, kur isha i uritur, se askush nuk i jep asgjë askujt. Ekipi kombëtar, për mua, do të thotë të garosh. Kur vdiq babai im, qëndrova deri në mbarimin e ndeshjes tjetër. E bëra këtë për vendin tim". Në mbyllje të mesazhit të tij, Ronaldo shpreh gatishmërinë e plotë për të ardhmen: "Nëse jam në formë të mirë, pas pezullimit tim, do të jem i disponueshëm, si gjithmonë, për të garuar dhe për të fituar për Portugalinë. Kjo është e vërteta absolute".