Diplomacia e Kosovës në Paris, ambasadori Lulzim Hiseni i dorëzon letrat kredenciale kreut të shtetit francez Emmanuel Macron

Ambasadori i jashtëzakonshëm dhe fuqiplotë i Republikës së Kosovës në Francë, Lulzim Hiseni, ka zhvilluar një takim zyrtar në Pallatin Élysée, ku i ka dorëzuar letrat kredenciale Presidentit të Republikës Franceze, Emmanuel Macron. Gjatë këtij solemniteti, diplomati kosovar i ka përcjellë kreut të shtetit francez përshëndetjet më të ngrohta nga udhëheqësit e institucioneve të Kosovës. Ai ka shprehur njëkohësisht falënderimet e sinqerta për mbështetjen e vazhdueshme që Parisi i ka dhënë vendit tonë në periudhat vendimtare, duke përfshirë Konferencën e Rambujesë, fushatën e ndërhyrjes ushtarake të NATO-s, procesin e rindërtimit dhe konsolidimit institucional, si dhe aktin e njohjes së pavarësisë. Në fjalën e tij, ambasadori Hiseni ka vënë inftim theksin te vullneti i palëkundur për të intensifikuar bashkëpunimin dypalësh ndërmjet dy shteteve, përmes një komunikimi më intensiv politik, si dhe zgjerimit të fushave të veprimit në ekonomi, kulturë dhe arsim të lartë. Po ashtu, gjatë bisedës u vu inftim rëndësia e partneritetit strategjik me Francën përshpejtimin e rrugëtimit evropian të Kosovës, forcimin e subjektivitetit ndërkombëtar, si dhe ruajtjen e paqes afatgjatë dhe stabilitetit në rajonin e Ballkanit Perëndimor.