Gjest prekës nga sulmuesi kuqezi: Albion Rrahmani surprizon familjen me një dhuratë luksoze

Albion Rrahmani vijon të konfirmohet si një prej talenteve më të spikatura që ka prodhuar vitet e fundit elita e futbollit tonë vendor, Superliga e Kosovës. Karriera e tij e suksesshme, e ndërtuar përmes paraqitjeve mbresëlënëse te Ballkani, Rapid Bukureshti dhe së fundmi te Sparta Pragës, e ka pozicionuar atë në radhët e sulmuesve më efikasë, duke u dalluar kështu për nuhatjen e tij të spikatur para portës kundërshtare. Megjithatë, kësaj radhe sulmuesi i Kombëtares së Kosovës ka tërhequr vëmendjen jashtë fushave të blerta, duke ndërmarrë një veprim emocionues për më të dashurit e tij, të cilëve u ka bërë dhuratë një automjet të tipit Audi Q8. Mjeti i ri është siguruar përmes kompanisë së mirënjohur vendase “Reforma”, e cila ka ndarë me ndjekësit në rrjetin social “Facebook” pamjet nga momenti i dorëzimit dhe fotografitë e automjetit luksoz.