Zafir Berisha kritikon ashpër Specialen: Këtu s’ka të bëjë me drejtësi

Veterani i UÇK-së dhe ish-deputeti Zafir Berisha e ka cilësuar si një “monstrum” të drejtësisë vendimin e Gjykatës Speciale për dënimin e ish-krerëve të UÇK-së. Berisha i bëri këto komente në emisionin “ADRESA” të Kanal 10. Sipas tij, ajo që ka ndodhur në Hagë është një “monstrum i drejtësisë”, pasi, siç deklaroi ai, dënimi i luftës çlirimtare të një populli, siç ishte populli i Kosovës, është një rast i paprecedent. Berisha ka deklaruar se vendimin e ka përjetuar shumë rëndë, duke e krahasuar atë me një “granatë lufte”, e cila, sipas tij, kur binte afër gjatë kohës që ishin në betejë, nuk mund të kthjelloheshe prej saj për një kohë të gjatë.