Më të bashkuar se kurrë: Barack dhe Michelle Obama festojnë 34 vite martesë me dedikime prekëse

Pavarësisht thashethemeve të kaluara për një ftohje të mundshme në marrëdhënien e tyre, Barack dhe Michelle Obama vazhdojnë të dëshmojnë të kundërtën, duke u shfaqur më të lidhur se kurrë më parë. Çifti i njohur ka shënuar 34-vjetorin e kurorëzimit të tyre në martësë, duke zgjedhur rrjetet sociale për të ndarë urime dhe mesazhe romantike për njëri-tjetrin. Ish-kreu i Shtëpisë së Bardhë ka zgjedhur një imazh ku shihet teksa përqafon bashkëshorten e tij, shoqëruar me fjalët: “Gëzuar përvjetorin! Jam ende burri më me fat në botë që jam me ty.” Nga ana e saj, ish-zonja e parë ka publikuar një material vizual përmbledhës me imazhe nga e kaluara, që nga dita e dasmës së tyre në vitin 1992, vitet e kaluara në presidencë, e deri te çastet e tyre të tanishme. “Të të dua bëhet gjithnjë e më bukur! Gëzuar përvjetorin. Uroj që të kemi përpara edhe shumë, shumë vite të tjera me gëzim, të qeshura dhe kujtime”, ka shkruar ajo në profilin e saj. Vlen të përmendet se gjatë muajve të fundit, dyshja është ndalur shpesh te sekretet e jetës së lor në çift. Barack e ka cilësuar partneren e tij si një personifikim të integritetit, zgjuarsisë dhe vlerave të larta, duke pranuar se prania e saj e ka transformuar për mirë. Ndërkohë, Michelle është shprehur se ata veprojnë si një mekanizëm ekuilibrues ndaj njëri-tjetrit, duke shtuar se ish-presidenti i ka dhënë asaj dhe familjes së tyre një horizont më të gjerë mbi mundësitë që rezervon jeta. Në një ton më humoristik, Barack Obama e ka përmbyllur duke treguar se si bashkëshortja e tij shërben si spirancë për të: “Edhe ajo më mban me këmbë në tokë dhe të qëndrueshëm.”