Gara për presidentin, reagon Bekim Sejdiu pas kërkesës së Kurtit ndaj PDK-së

Bekim Sejdiu ka dalë me një reagim zyrtar pas deklaratave të bëra gjatë ditës nga kryeministri Albin Kurti në konferencën për media të mbajtur në ndërtesën e Qeverisë. Gjatë një prononcimi për media, Sejdiu ka bërë të ditur se ai tashmë i ka njoftuar si kreun e ekzekutivit, ashtu edhe Lidhjen Demokratike të Kosovës, rreth vendimit të tij për t'u tërhequr përfundimisht nga gara për postin e kreut të shtetit. Kujtojmë se afati i fundit kushtetues, i caktuar nga Gjykata Kushtetuese për zgjedhjen e presidentit të ri të vendit, skajon pikërisht në mesnatën e sotme. Në dritën e zhvillimeve aktuale politike, kryeministri Kurti kishte bërë me dije se aktualisht nuk ka ndonjë takim apo kontakt me palët e tjera lidhur me këtë temë, pasi LDK-ja nuk i disponon votat e mjaftueshme për këtë proces, ndërsa Partia Demokratike e Kosovës ka refuzuar ftesat për ulje në tryezën e bisedimeve.