Skandali i videove intime të kompozitorit: Policia merr në pyetje tri gra të jaqfura, ja çfarë deklaruan ato

Ndërkohë që në platforma të ndryshme online vazhdojnë të qarkullojnë pamje të reja me karakter intim që përfshijnë kompozitorin e njohur Adrian Hila dhe disa artiste, organet e rendit dhe drejtësia në kryeqytet ende nuk kanë mundur të zbardhin autorësinë e publikimit të këtyre materialeve, të cilat dyshohet se janë siguruar përmes kamerave të sigurisë. Në kuadër të hetimeve intensive që po zhvillohen, Sektori i Krimit Kibernetik pranë Drejtorisë Vendore të Policisë Tiranë ka thirrur dhe marrë në pyetje këtë të martë tri gra të tjera, të cilat shfaqen në këto regjistrime të bëra publike. Sipas informacioneve zyrtare, ato kanë ndjekur të njëjtën linjë dëshmie me personat e tjerë të pyetur më parë. Gjatë deklaratave të tyre, gratë kanë folur rreth natyrës së marrëdhënies me kompozitorin, por kanë theksuar se fajësia për këtë situatë nuk qëndron tek ai, duke drejtuar dyshimet nga personat që kanë mundësuar shpërndarjen apo që po komentojnë këto materiale. Në lidhje me këtë ngjarje të rëndë që ka cënuar jetën private të individëve, strukturat e policisë së Tiranës kanë dorëzuar materialet proceduriale në Prokurori, duke ngritur akuza për katër vepra penale: “Përgjimi i paligjshëm i të dhënave kompjuterike”, “Ndërhyrja në të dhënat kompjuterike” dhe “Keqpërdorimi i pajisjeve dhe ndërhyrja e padrejtë në jetën private”.