Enigma Sabah Kerjota: Sulmuesi i kuqezinjve mbetet ende në pritje të debutimit zyrtar

Sabah Kerjota është shndërruar në qendër të vëmendjes për shkak të statusit të tij aktual në radhët e Kombëtares së Shqipërisë, pasi 25-vjeçari ka e ka ndjekur nga tribuna secilën prej katër ndeshjeve zyrtare të fundit në kuadër të Ligës e Kombeve. Kujtojmë se trajneri Rolando Maran kishte udhëtuar personalisht në Skoci për të vëzhguar nga afër aftësitë e sulmuesit, para se t'i besonte atij ftesën e parë për t'u bashkuar me Kombëtaren A. Megjithatë, pavarësisht pritshmërive, Kerjota nuk ka figuruar asnjëherë as në bankën rezervë, duke i përcjellë takimet nga tribuna, përfshirë këtu edhe sfidat e zhvilluara në udhëtim kundër San Marinos dhe Finlandës. Lojtari i Heart luan zakonisht në krahun e djathtë të sulmit, një pozicion ku kuqezinjtë aktualisht po detyrohen të bëjnë përshtatje, pasi asnjë nga futbollistët e tjerë të grumbulluar nuk e ka këtë rol si pozicion natyral. Pavarësisht kësaj nevoje taktike, Kerjota nuk e ka gëzuar ende shansin për të zbritur në fushën e blertë dhe për të dëshmuar vlerat e tij me fanellën kuqezi. Skuadra e Shqipërisë do të kërkojë tre pikët ndaj San Marinos në një nga përballjet më të kalueshme në letër, duke marrë parasysh se ky kundërshtar mban vendin e fundit në renditjen zyrtare të FIFA-s.