Kupa e Shqipërisë nis sot me tri sfidat e para: Zbardhen emrat e gjyqtarëve për çdo takim

Faza e parë kualifikuese e Kupës së Shqipërisë do të ngrejë siparin ditën e sotme, me tri takimet e para të programuara për t'u luajtur duke filluar nga ora 13:30. Në Korçë, skuadra e Skënderbeut do të masë forcat me Naftëtarin, ndërsa Flamurtari do të presë Gramshin në stadiumin e Orikumit. Përballja e tretë e kësaj dite do të zhvillohet në fushën sportive "Ahmetaq", ku do të përballen Besëlidhja dhe Sopoti. Lidhja e Futbollit ka zyrtarizuar emrat e zyrtarëve të ndeshjeve që do të ndajnë drejtësinë në këto tri duele të rëndësishme. Për sfidën e parë, trupa e gjyqtarëve përbëhet nga arbitri kryesor Erges Bala, asistenti 2 Amarildo Kyçyku dhe arbitri i katërt Mikele Dyrmishi. Ndërkohë, në ndeshjen e dytë drejtësia do të vendoset nga arbitri kryesor Enis Dishani, i ndihmuar nga asistenti 1 Ronaldo Jahja, asistenti 2 Lefter Dervishi dhe arbitri i katërt Ilirjan File. Përballja e tretë do të drejtohet nga arbitri kryesor Egli Spahiu, i cili do të ketë në krah asistentin 1 Gjergji Gegprifti.