Seancë e jashtëzakonshme në horizont? Lushtaku flet për sinjalet e para nga Kuvendi

Deputeti i Partisë Demokratike të Kosovës, Mërgim Lushtaku, ka bërë të ditur se qarkullojnë informacione jozyrtare rreth thirrjes së një seance të jashtëzakonshme në Kuvendin e Kosovës. Sipas ligjvënësit opozitar, deri më tani nuk ka një konfirmim zyrtar se cilat do të jenë pikat konkrete që do të dominojnë rendin e ditës gjatë këtij tubimi të mundshëm parlamentar. “Jozyrtarisht, do të kemi një ftesë për të mbledhur seancën e jashtëzakonshme. Nuk e dimë zyrtarisht nëse në rendin e ditës do të jetë Ligji për Dhomat e Specializuara apo çështja e presidentit”, ka deklaruar Lushtaku.