Paraqitja fantastike i jep epitetin e lojtarit të javës yllit të Vëllaznimit

Vance Jackson, anëtari i skuadrës së Vëllaznimit, është shpallur zyrtarisht basketbollisti më i dalluar i kësaj jave në elitën e basketbollit vendor. Amerikani pati një paraqitje mbresëlënëse, duke qenë vendimtar në triumfin e rëndësishëm të kuqezinjve nga Gjakova kundër Pejës, duel ky që u mbyll me shifrat 99:90 në favor të vendasve. Sipas njoftimit zyrtar nga Federata e Basketbollit të Kosovës (FBK), Jackson ka rrëmbyer çmimin MVP (lojtari më i vlefshëm) për xhiron e tretë të ProCredit Superligës. Gjatë këtij takimi, atleti i Vëllaznimitregoi formë të lartë, duke regjistruar statistika fantastike me 29 pikë, 9 kërcime dhe 3 asistime, të cilat u përkthyen në 36 pikë indeksi të dobishmërisë.