Reagimi i fortë i avokatit Gashi: Hipokrizi e madhe në protestat për UÇK-së

Avokati i njohur, Tomë Gashi, ka dhënë një deklaratë të ashpër pas protestës së zhvilluar në sheshin kryesor të Prishtinës, duke vënë në shënjestër qëndrimet kontradiktore të disa prej individëve të pranishëm ndaj Ushtrisë Çlirimtare të Kosovës. Gashi ka drejtuar akuza të rënda ndaj personave që, sipas tij, ndër vite kanë bërë fushatë kundër UÇK-së nëpër media, ndërsa tani shfaqen si mbështetës të saj në tubime publike. Ai ka vënë në pah edhe përgjegjësinë e atyre që në vitin 2015 votuan pro krijimit të Gjykatës Speciale, e që sot prinë në protesta kundër saj. Duke e cilësuar situatën si një “paradoks”, avokati ka përdorur shembuj ilustrues për të demaskuar, siç i quan ai, dyfytyrësinë e disa figura publike. Sipas tij, është absurde të shohësh persona që dikur kanë hedhur baltë mbi luftën çlirimtare, e që sot përpiqen të nxisin tensione dhe përçarje mes qytetarëve. Gashi ka mbyllur reagimin e tij me një thirrje për kujtesë publike, duke u kujtuar qytetarëve se fytyrat që sot dalin në ballë të protestave janë pikërisht ata që me votën e tyre vendosën themelet e Gjykatës Speciale, duke vepruar tashmë në kundërshtim me vetveten.