Michael Olise thur elozhe për Riccardo Calafiorin: Mbrojtësi italian më la pa fjalë

Sulmuesi anësor i kombëtares franceze, Michael Olise, ka dhënë një vlerësim maksimal për mbrojtësin italian Riccardo Calafiori, duke e veçuar atë mbi çdo kundërshtar tjetër të njohur me të cilin është ndeshur gjatë karrierës së tij. “Kam pasur mundësinë të luaj kundër mbrojtësve të majtë të një niveli shumë të lartë, si Nuno Mendes apo Marc Cucurella, por Calafiori ka diçka ndryshe. Kur zotëron topin përballë tij, ai nuk të lë hapësirë dhe kohë për të menduar”, u shpreh futbollisti francez. Më tej, Olise vuri në dukje stilin luftarak të italianit, duke e cilësuar si një lojtar tejet agresiv që reagon në sekondë: “Ai të sulmon menjëherë dhe e bën çdo veprim të ndërlikuar. Duhet të reagosh rrufeshëm, sepse ai ndodhet aty para teje në sekondën e parë”. Talenti francez nuk la pa përmendur as cilësitë e tjera teknike të Calafiorit, duke përfshirë forcën në dyluftime, leximin e shkëlqyer të fushës dhe gjakftohtësinë kur zotëron topin, elementë që sipas tij e kthejnë në një pengesë të pakapërcyeshme. “Pas duelit tonë kundër Italisë, iu afrohem dhe i thashë: ‘Çfarë ndeshje e fortë!’. E kisha me gjithë mend, pasi ishte një përballje sfiduese. Kur luan kundër një kampioni, e kupton menjëherë vlerën e tij, dhe Calafiori është padyshim një lojtar i madh”, përfundoi Olise. Në fund të deklaratës së tij, sulmuesi shprehu admirim të thellë për mbrojtësin, duke e renditur pa asnjë dyshim mes mbrojtësve të majtë më të mirë në qarkullim me të cilët është matur ndonjëherë.