Nasim Haradinaj me qasje të ashpër ndaj ligjvënësve të PDK-së: U dashur të hynin brenda Kuvendit e jo t'i bashkoheshin protestës

Ish-pjesëtari i shquar i Ushtrisë Çlirimtare të Kosovës, Nasim Haradinaj, ka drejtuar kritika të ashpra në drejtim të deputetëve të Partisë Demokratike të Kosovës (PDK), për shkak të vendimit të tyre për t'iu bashkuar protestuesve jashtë ndërtesës së Kuvendit. Gjatë një paraqitjeje televizive në emisionin "Debat Plus", Haradinaj shprehu hapur pakënaqësinë e tij lidhur me veprimin e ligjvënësve të PDK-së, të cilët braktisën sallën legjislative për të dalë në shesh me turmën. "Mua nuk po më pëlqen kur i pashë se dolën deputetët e PDK-së. Po të kisha qenë unë në protestë, asnjë deputet, qoftë nga Lëvizja Vetëvendosje apo të tjerë... pasi kanë vazhduar me ta, do të kisha vazhduar edhe me të PDK-së dhe me deputetët që dalin tash në protestë pa bërë ndonjë marrëveshje mes veti. Kjo nuk po më pëlqen. Pse duhet të dalin këta të protestojnë, kur ne po kërkojmë prej të gjithë deputetëve të njëjtën përgjegjësi? Edhe këta të PDK-së u desh të rrotulloheshin e të futeshin brenda", u shpreh Haradinaj ndër të tjera.