Dasma e Kushtrimit dhe Aurorës, Labi thyen heshtjen dhe ngre dyshime: Koha do të flasë vetë

Këngëtari i njohur Labinot Rexha ka bërë një reagim publik lidhur me ceremoninë martesore të Kushtrim Kelanit dhe Aurora Rrustës, të cilët kurorëzuan dashurinë e lor në martesë gjatë ditës së diel. Përmes një postimi në llogarinë e tij zyrtare në InstaStory, Rexha u është drejtuar përfaqësuesve të medieve me kërkesën që të mos e shqetësojnë më me pyetje rreth kësaj ngjarjeje, duke shtuar se nuk e sheh të arsyeshme të kommentojë mbi këtë dasmë. Ndër të tjera, artisti ka sqaruar se gjatë fundjavës ka qenë i angazhuar muzikisht në Gjenevë, ku ka interpretuar në një tjetër ceremoni gëzimi, teksa ka konfirmuar se as ai dhe as Ludo nuk kishin marrë ftesë për të qenë të pranishëm në dasmën e çiftit Kelani-Rrusta. Megjithatë, pavarësisht ftohjes dhe mungesës së ftesës, Labi nuk ka kursyer urimet për dyshen e re, duke u uruar atyre shëndet, harmoni, jetë të lumtur dhe trashëgimtarë. Në mesazhin e tij, ai ka theksuar se i lutet Krijuesit që Kushtrimi dhe Aurora të shijojnë çdo moment të kësaj martese dhe të ndërtojnë një të ardhme të qetë e të bukur së bashku. Në mbyllje të reagimit të tij, këngëtari ka lënë të kuptohet se ka rezerva dhe disa pikëpyetje rreth kësaj lidhjeje, por ka preferuar t'i mbajë për vete për të mos u prishur atmosferën e festës në ditën e tyre të veçantë.