Gjinovci shpërthen ndaj protestave: Një grusht militantësh po terrorizojnë sheshin me kauza të rreme

Analisti Rron Gjinovci ka ashpërsuar tonet lidhur me protestat e fundit, duke shprehur pakënaqësinë e tij me qasjen e forcave të rendit ndaj incidenteve, të cilat sipas tij përfshinin sulme të drejtuara ndaj efektivëve, gazetarëve, ligjvënësve dhe funksionarëve shtetërorë. Gjatë reagimit të tij, ai ka vlerësuar se reagimi i Policisë ka qenë i pamjaftueshëm, duke e konsideruar tolerancën e treguar si të tepruar përballë asaj që e quajti një sfidim të hapur ndaj integritetit dhe autoritetit shtetëror. Gjinovci ka ngritur shqetësimin se një numër i vogël militantësh të partive opozitare po mbajnë peng sheshin për një javë me radhë përmes kauzave artificiale. Tutje, analisti ka vënë në shënjestër edhe partitë kryesore opozitare, PDK dhe LDK, duke theksuar se ato vuajnë nga mungesa e strukturave funksionale dhe se janë të ndërtuara mbi grupe interesash. Sipas tij, përgjegjësia për zgjedhjet e ardhshme dhe situatën e krijuar i takon hapur opozitës, ndërsa nismat e ndërmarra në Kuvend i ka cilësuar si veprime populiste që nuk mund të ndryshojnë rendin kushtetues dhe detyrimet ndërkombëtare të vendit.