Azemi i Lëvizjes Vetëvendosje: S’ka shantazh apo frikësim, ecim para sipas axhendës sonë

Deputeti i Lëvizjes Vetëvendosje, Egzon Azemi, ka dalë me një reagim të prerë lidhur me diskutimet rreth votimit në lexim të dytë të amendamenteve për Ligjin për Dhomat e Specializuara, duke theksuar se subjekti i tij politik nuk do t'i nënshtrohet kurrfajë presioni. Përmes një shkrimi të shpërndarë në rrjetet sociale, Azemi ka bërë të qartë se pozicioni i Lëvizjes Vetëvendosje mbetet i palëkundur te parimet e veta, ndërsa hapat e ardhshëm do të ndërmerren në përputhje të plotë me prioritetet e përcaktuara. “As nuk shantazhohemi as nuk frikësohemi. Arsyeja është e thjeshtë sepse kemi qëndruar dhe qëndrojmë për parime”, ka shkruar ndër të tjera ai. Ligjvënësi i partisë në pushtet ka evokuar edhe sfidat e kaluara, duke pohuar se forca e tij politike ka rezistuar në rrethana kur ka qenë në shënjestër të vetë mekanizmave shtetërorë. “Ne kemi qëndruar edhe kur me gjitha aparatet shtetërore na luftonin. E lërë më sot”, ka shtuar tutje deputeti i LVV-së. Duke u ndalur te projektligji që parasheh ndryshimet në Ligjin për Dhomat e Specializuara, Azemi ka rikujtuar se nisma tashmë ka kapërcyer disa faza të rëndësishme institucionale. “Ligji mori aprovimin e Qeverisë, ligji u votua në leximin e parë. Vazhdojmë hapat tutje, jo sipas tekeve, por sipas prioriteteve”, ka përfunduar ai, duke e mbyllur reagimin me thirrjen e njohur: “VETËVENDOSJE!”.