Kreu i spiunazhit gjerman jep alarmin: Rrezik lufte të drejtpërdrejtë me Moskën

Gjermania përballet me rrezikin real të një përplasjeje të armatosur me Rusinë, në një kohë kur Kremlini po përshkallëzon veprimet e tij armiqësore ndaj vendeve demokratike në Evropë, të cilat Berlini zyrtar i cilëson si pjesë të një “lufte në hije”. Ky shqetësim është shprehur hapur nga Martin Jaeger, drejtor i Shërbimit Federal të Inteligjencës së Gjermanisë, i cili ka lëshuar një paralajmërim serioz gjatë një paraqitjeje publike.