Nisma për Gjykatën Speciale, LDK refuzon mbështetjen: Paraqet rreziqe serioze për vendin

Lidhja Demokratike e Kosovës ka bërë të qartë se nuk do t'i bashkohet përpjekjeve për ndryshimin e ligjit aktual që rregullon funksionimin e Dhomave të Specializuara. Qëndrimi zyrtar është bërë i ditur nga shefja e deputetëve të kësaj partie, Jehona Lushaku-Sadriu. Gjatë fjalës së saj në seancën e jashtëzakonshme parlamentare, ajo theksoi prerazi se subjekti që ajo drejton nuk do të përfshihet në këtë nismë legjislative. Duke arsyetuar këtë vendim, Lushaku-Sadriu u shpreh se LDK-ja ka ngritur shqetësime të hershme lidhur me pasojat negative ligjore, politike dhe ndërkombëtare që mund të sjellë një veprim i tillë. Ajo u bëri thirrje nismëtarëve dhe ligjvënësve që t'i shqyrtojnë me kujdes këto rreziqe dhe të veprojnë duke pasur në sy interesat e drejtësisë në vend. Në fjalën e saj, ajo gjithashtu ritheksoi se lufta e Ushtrisë Çlirimtare të Kosovës është e pacenueshme, ndërsa mbrojtja e vlerave të saj çlirimtare, vendosmëria për vendosjen e drejtësisë për viktimat dhe ruajtja e interesit shtetëror mbeten parime të pacënueshme për LDK-së.