Vonesa në Kuvend: Shtyhet fillimi i seancës për ndryshimet në Ligjin për Gjykatën Speciale

Kuvendi i Kosovës nuk ka filluar ende seancën e paraparë për shqyrtimin e amendamenteve në Ligjin për Dhomat e Specializuara, me gjithë paralajmërimet zyrtare se punimet do të nisin që në orën 09:00 të mëngjesit të sotëm. Në rend ditë të këtij takimi parlamentar është shqyrtimi i nismës ligjore që synon ndryshimin e rregulloreve për Dhomat e Specializuara dhe Zyrën e Prokurorit të Specializuar. Kjo nismë për ndryshime ligjore vjen në një moment tensionesh dhe diskutimesh të ashpra politike në vend. Debati është intensifikuar veçanërisht pas vendimeve dhe aktgjykimeve të fundit të shpallura nga Gjykata Speciale ndaj ish-krerëve të Ushtrisë Çlirimtare të Kosovës (UÇK).