Skandali i videove intime/ Aktori Laert Vasili shprthen me pyetjen e fortë drejtuar Adi Hilës: Po sikur t'ia bënin familjes tënde?

Vala e skandaleve të shkaktuara nga publikimi i pamjeve intime të disa figurave të njohura të artit ka sjellë reagime të ashpra në opinionin publik. Ndër më të zëshmit ka qenë aktori i njohur Laert Vasili, i cili i ftuar në “Grida Duma Podcast”, është shprehur pa doreza rreth këtij fenomeni, duke e cilësuar atë si një nga format më barbare të dhunës psikologjike ndaj individit. Gjatë bisedës rreth këtyre rasteve që kanë vërshuar në rrjetet sociale, Vasili ka preferuar ta kalojë kufirin e thjeshtë të një kronike rozë apo skandali mediatik. Ai ka vendosur theksin te dëmet e pariparueshme që ky lloj linçimi digjital shkakton në jetën private dhe familjare të personave që bien pre e këtij ekspozimi dashakeq. Në kulmin e diskutimit, aktori ka drejtuar një pyetje retorike tejet provokuese dhe direkte për kompozitorin Adi Hila, duke kërkuar prej tij që ta vendosë veten në pozitat e viktimës: “Po t’ia bënin vajzës dhe gruas tënde atë?” Sipas Vasilit, ky reflektim i thjeshtë mjafton për të ndryshuar rrënjësisht këndvështrimin se si shoqëria i sheh këto ngjarje. Duke e dënuar ashpër këtë praktikë, Vasili theksoi se shpërndarja e materialeve intime nuk mund të gjejë asnjë lloj alibie, qoftë ky kurioziteti i sëmurë i publikut apo statusi i personave të përfshirë si figura publike.