Java e re nis me diell por edhe ngrica: Ja sa do të arrijnë temperaturat deri të premtën

Instituti Hidrometeorologjik i Kosovës ka bërë të ditur se përgjatë intervalit kohor 5–9 tetor, vendi ynë do të ndikohet nga kushte atmosferike kryesisht stabile, të shoqëruara me intervale të zgjatura me diell dhe vranësira kalimtare. Termometrit do t'i regjistrojë vlera relativisht të larta për këtë stinë gjatë mesditës, ku temperaturat maksimale pritet të ngjiten deri në 26 gradë Celsius, ndërkohë që agimet do të jenë dukshëm më të freskëta, me vlera minimale që në disa rajone mund të zbriten nën pikën e ngrirjes. Më konkretisht, gjatë ditëve të hënë dhe të martë, termometrat në mëngjes do të shënojnë nga -1 deri në 2 gradë Celsius, kurse maksimalet do të lëvizin ndërmjet 20 dhe 25 gradëve. Dita e mërkurë do të jetë më e nxehtas e javës, duke kapur vlerën deri në 26 gradë Celsius, ndërsa të enjten termometri do të ndalet në 25 gradë. Ekspertët e meteorologjisë kanë bërë thirrje për kujdes, pasi ftohja e theksuar e orëve të para të ditës mund të krijojë ngrica të lehta, të cilat përbëjnë rrezik potencial për dëmtimin e bimëve dhe kulturave bujqësore më të ndjeshme ndaj temperaturave të ulëta. Pamja e motit pritet të pësojë kthesë në fundjavë, saktësisht ditën e premte, kur masat ajrore do të sjellin shtim të vranësirave dhe kushte meteorologjike për reshje shiu të izoluara gjatë ditës. Përsa i përket fundit të javës, temperaturat minimale do të sillen nga 3 deri në 7 gradë Celsius, kurse ato maksimale do të luhaten mes 21 dhe 24 gradëve. Sipas IHMK-së, situata biometeorologjike do të jetë përgjithësisht e favorshme dhe pa ndikime negative për pjesën dërrmuese të qytetarëve.