Bushati alarmon: Shqipëria po përballet me shpopullim masiv dhe zhdukje të shtresës së mesme

Ish-kryediplomati i Shqipërisë, Ditmir Bushati, ka ngritur alarmin mbi situatën demografike dhe sociale në vend, duke theksuar se Shqipëria po përballet me një “hemorragji njerëzore”. Ky fenomen, sipas tij, lidhet ngushtë me valën e madhe të largimeve të qytetarëve gjatë dekadës së fundit. Këto deklarata Bushati i bëri gjatë një bisede në podcastin “PIKË”, ku pati një bashkëbisedim të gjerë me publicistin e njohur Veton Surroi, duke analizuar sfidat aktuale dhe tkurrjen e dukshme të shtresës së mesme në shoqërinë shqiptare.