Formacionet zyrtare: Foda zbulon 11-shen titullare të Kosovës ndaj Austrisë

Kombëtarja e Kosovës dhe ajo e Austrisë janë gati për sfidën e radhës, e cila do të nisë në orën 18:00, në kuadër të xhiros së tretë të Grupit 3 në Ligën e Kombeve. Për këtë përballje të rëndësishme që do të zhvillohet në stadiumin “Fadil Vokrri”, dy trajnerët, Franco Foda për Kosovën dhe Ralf Rangnick për Austrinë, kanë përcaktuar përfundimisht lojtarët që do t'i besojnë nga minuta e parë. Lajmi më i rëndësishëm për “Dardanët” është rikthimi në majën e sulmit i sulmuesit kryesor Vedat Muriqi, i cili mungoi në grumbullimin e kaluar kundër Izraelit. Më poshtë janë bërë publike edhe skemat dhe emrat e të dyja ekipeve për këtë takim.