Formacioni zyrtar: Foda hedh në fushë Zhegrovën dhe Muriqin nga minuta e parë ndaj Austrisë

Kombëtarja e Kosovës është gati për sfidën e radhës në Ligën e Kombeve, ku do të përballet me Austrinë në stadiumin “Fadil Vokrri”, me takimin që do të nisë në orën 18:00. Trajneri i “Dardanëve”, Franco Foda, dhe homologu i tij austriak, Ralf Rangnick, kanë zyrtarizuar tashmë formacionet titullare për këtë ndeshje të vlefshme për Grupin 3 në Ligën C. Pas humbjes 3:1 të pësuar pak ditë më parë në Vjenë, përfaqësuesja kosovare kërkon sot kthesën dhe revanshin para adhuruesve të saj. Në krahasim me sfidën e zhvilluar tri ditë më parë, tekniku Foda ka bërë ndryshime të rëndësishme nëmbështetjen e skuadrës. Pika më e spikatur është rikthimi i sulmuesit kryesor Vedat Muriqi, i cili mungoi në duelin e fundit ndaj Izraelit, ndërsa në repartin ofensiv do të mbështetet nga Edon Zhegrova dhe Baton Zabërgja. Ndërkohë, në mesfushë, Foda ka besuar nga minuta e parë te dyshja e përbërë nga Leon Avdullahu dhe Veldin Hoxha. Formacioni zyrtar i Kosovës: Shaipi; Krasniqi, Dellova, Raçi; Vojvoda, Avdullahu, Hoxha, Gallapeni; Zabërgja, Zhegrova, Muriqi. Kjo përballje shënon mbylljen e këtij cikli ndeshjesh për këtë periudhë të Ligës e Kombeve. Përfaqësuesja e Kosovës do t'i rikthehet sërish angazhimeve zyrtare në mesin e muajit nëntor, kur do të luajë edhe dy sfidat e fundit të fazës së grupeve.