Përplasje e trefishtë në Gostivar: Dy 14-vjeçarë pësojnë lëndime të rënda trupore

Një aksident i rëndë trafiku ka ndodhur gjatë natës së mbrëmshme në qytetin e Gostivarit, ku si pasojë e përplasjes mes tre automjeteve kanë mbetur të lënduar rëndë dy të mitur 14-vjeçarë, ndërsa janë dëmtuar edhe disa vetura të tjera. Sipas njoftimit zyrtar nga Ministria e Punëve të Brendshme (MPB), ngjarja është regjistruar mbrëmë rreth orës 22:10, në kryqëzimin ku ndërpriten rrugët “Kej Vardar” dhe “Tode Bogdanovski”. Në këtë incident rrugor janë përfshirë tri makina: një automjet tip “Golf” i drejtuar nga 18-vjeçari E.R., një tjetër “Golf” me drejtues 19-vjeçarin B.A., si dhe një veturë e tipit “BMW” që drejtohej nga 25-vjeçari M.M., të gjithë banorë të Gostivarit. Përveç tyre, nga goditjet është dëmtuar edhe një automjet i tipit “Passat”, i cili ka qenë i parkuar dhe i andejmi i përket 54-vjeçarit E.S. Pasoja më të rënda nga ky aksident kanë pësuar dy pasagjerët 14-vjeçarë. Pasi kanë marrë ndihmën e parë mjekësore në Qendrën Urgjente të Gostivarit, ata janë nisur me urgjencë për trajtim të mëtejshëm mjekësor në Kompleksin e klinikave “Nënë Tereza” në Shkup. Ndërkohë, lëndime trupore kanë pësuar edhe dy shoferët e automjeteve tip “Golf”, B.A. dhe E.R., si dhe pasagjerët A.S. dhe B.L. Një ekip i posaçëm nga Stacioni Policor i Gostivarit ka dalë në vendin e ngjarjes për të kryer hetimet e nevojshme rreth shkaqeve që çuan në këtë përplasje.