Pse Albin Kurti dhe Lëvizja Vetëvendosje përfaqësojnë projektin e vërtetë kombëtar në Kosovë

Në Kosovë, qytetarët votojnë Albin Kurtin pasi përzgjedhin opsionin më të mirë të mundshëm, një alternativë që përbën vazhdimësinë e projektit kombëtar, zhvillimit të bashkëkombësve, si dhe mishërimin e demokracisë, shtetit ligjor dhe triumfit të kombit. Sfidat dhe krizat e mbajtura gjallë nga opozita politike ndër vite kanë dëmtuar rëndë vendin dhe institucionet e tij, shpeshherë duke gjetur mbështetje te kryeministri shqiptar Edi Rama, ndërkohë që para një viti, kundër kreut të qeverisë u rreshtua edhe ish-presidentja Osmani. Të gjithë këta faktorë janë përfshirë në një front të përbashkët kundër Kurtit. Kjo ndodh sepse Kurti përfaqëson një qasje krejtësisht të ndryshme nga kjo klasë politike, duke u distancuar nga rrethet mediatike serbofile, agjenturat antishqiptare dhe intelektualizmi mercenar që ka pasur si synim të vetëm pushtetin personal, përvetësimin e pasurive, pazaret me trojet dhe korrupsionin. Përballë kësaj, projekti i Kurtit është bazuar gjithmonë te vlerat kombëtare, shteti demokratik e ligjor, rritja ekonomike, siguria territoriale, ngritja e kapaciteteve ushtarake, anëtarësimi në NATO, lufta kundër korrupsionit dhe aleanca e sinqertë me Shtetet e Bashkuara të Amerikës. Për këto arsye, tashmë është theksuar thirrja se votimi për Kurtin dhe Lëvizjen Vetëvendosje është mbështetje për vetë projektin kombëtar. Albin Kurti dhe Lëvizja Vetëvendosje nuk janë shfaqur rastësisht në skenën politike, pasi mbështetja masive popullore dëshmon se ai është një domosdoshmëri e kohës. Sot, kjo lëvizje gëzon edhe mbështetjen e faktorit ndërkombëtar, veçanërisht të SHBA-ve, pasi vizioni i tij i shërben drejtpërdrejt interesave madhore të Kosovës, duke u krahasuar shpesh me rëndësinë historike të Ushtrisë Çlirimtare të Kosovës. Kreu i qeverisë cilësohet si ndër politikanët më pro-amerikanë për shkak të paprekshmërisë së tij ndaj korrupsionit, fenomen ky që përbën rrezikun kryesor për demokracisë dhe shtetin ligjor. Përkushtimi i tij për forcimin e ushtrisë, pajisjen e saj me armatim bashkëkohor dhe integrimin në NATO përputhet plotësisht me agjendën amerikane. SHBA-ja mbështet një lider të pathyeshëm në mbrojtje të sovranitetit, ndaj dhe orientimi i qartë euroatlantik mbetet garancia kryesore për të ardhmen e vendit. Koha ka dëshmuar vërtetësinë e këtyre qëndrimeve, duke hedhur poshtë të gjitha fantazitë, alibitë dhe akuzat e mëparshme, pasi puna për ndërtimin e demokracisë dhe drejtësisë mbetet misioni kryesor i qeverisjes së tanishme.