Avancojnë punimet në aksin rrugor Kijevë–Zahaq, hidhet shtresa e parë e asfaltit në 1.5 kilometra

Ministri i Infrastrukturës, Dimal Basha, ka bërë të ditur se projektit për ndërtimin e rrugës Kijevë–Zahaq (N9) i është shtuar një tjetër hap konkret, pasi intensiteti i punimeve në terren po vijon pa ndërprerje. Përmes një njoftimi zyrtar, Basha ka informuar se gjatë ditës së djeshme, në kuadër të Lotit 4, është përmbyllur asfaltimi i rreth 1.5 kilometrave me shtresën e parë, ndërkohë që trupa e punës po vepron paralelisht edhe në segmente të tjera të këtij aksi. Kreu i resortit të infrastrukturës ka theksuar se që prej ditës së parë të marrjes së mandatit, angazhimi i tij kryesor ka qenë evidentimi dhe zgjidhja e nyjave gordiane dhe sfidave burokratike e teknike që kanë shoqëruar këtë projekt, me qëllim final përshpejtimin e dinamikës së punimeve.