Tragjedi në Korçë: Automjeti i drejtuar nga efektivi i policisë përplas për vdekje 60-vjeçarin në motor

Një ngjarje e rëndë ka tronditur mëngjesin e sotëm qytetin e Korçës, ku një aksident fatal ka lënë të pajetë një drejtues motori rreth 60 vjeç. Sipas informacioneve paraprake, përplasja ka ndodhur në hyrje të qytetit nga një punonjës i policisë rrugore, i cili ndodhej jashtë orarit zyrtar të shërbimit në momentin e ngjarjes. Për pasojë e goditjes së fortë, drejtuesi i motomjetit ka pësuar dëmtime fatale, duke ndërruar jetë në vend. Ndërkaq, efektivit të policisë i është dhënë ndihma e parë mjekësore dhe është transportuar drejt spitalit rajonal të Korçës, ku aktualisht po merr trajtim intensiv në repartin e reanimacionit. Grupi hetimor dhe autoritetet kompetente ndodhen në vendngjarje dhe po kryejnë të gjitha veprimet e nevojshme procedurale, me qëllim zbardhjen e plotë të rrethanave dhe dinamikës së këtij aksidenti tragjik.