Reagon “Apetit Group”: Sasia e mishit nga Brazili nuk ka hyrë fare në tregun e Kosovës

Pas shqetësimeve të ngritura në opinionin publik, kompania “Apetit Group” ka dalë me një sqarim zyrtar lidhur me ngarkesat e mishit me origjinë nga Brazili. Sipas njoftimit, asnjë sasi e vetme nga ky dërgesë nuk ka kaluar procedurat e importit dhe nuk ka depërtuar në tregjet e Kosovës, Malit të Zi, Maqedonisë së Veriut, Shqipërisë dhe Bosnjë-Hercegovinës. Në komunikatën e lëshuar për media, kompania ka theksuar se nuk është futur, zhdoganuar apo shpërndarë asnjë kilogram i këtij malli në territorin e shteteve të lartpërmendura, duke hedhur poshtë çdo aludim për praninë e tij në treg. Duke vënë në pah sigurinë e konsumatorëve dhe partnerëve tregtarë, “Apetit Group” ka garantuar se produktet në fjalë nuk kanë arritur kurrë deri te blerësit finalë, duke qenë se ngecjet e shkaktuara në logjistikë dhe transport kanë pamundësuar realizimin e tyre.