Valë pakënaqësish në diasporë: Diaspora shqiptare në Gjermani, Zvicër e Suedi proteston kundër dënimit të ish-krerëve të UÇK-së

Vala e revoltës kundër vendimit gjyqësor ndaj ish-drejtuesve të Ushtrisë Çlirimtare të Kosovës është shtrirë edhe jashtë kufijve, duke mobilizuar qytetarët tanë në disa vende evropiane gjatë ditës së sotme, ku veçohen tubimet e organizuara në Gjermani, Suedi dhe Zvicër. Përmes një postimi në rrjetet sociale, nisma “Liria ka Emër” ka sjellë në vëmendje pamje filmike nga këto tubime, të cilat dëshmojnë një pjesëmarrje masive të bashkatdhetarëve tanë në mërgim. Të pajisur me pankarta dhe parulla mbështetëse për ish-krerët e UÇK-së, protestuesit kanë shprehur hapur pakënaqësinë e tyre, duke bërë thirrje për vendosjen e drejtësisë dhe një kthesë urgjente ndaj vendimeve të Gjykatës Speciale.