Liga e Kombeve: Shqipëria humbet kreun, ja skenari se si kuqezinjtë mund të rikthehen në krye të grupit

Zhvillimet e fundit në Ligën e Kombeve kanë sjellë ndryshime në renditje, duke e zbritur kombëtaren shqiptare në pozicionin e dytë të grupit C1. Në sfidat e zhvilluara, kuqezinjtë pësuan një humbje ndaj Finlandës, duke ia dorëzuar pikërisht kësaj të fundit kryesimin e grupit, me një pikë avantazh. Megjithatë, shpresat për të rimarrë kreun mbeten të hapura. Përveç triumfit të detyrueshëm ndaj San Marinos këtë të martë, Shqipëria do të shpresojë që ndeshja paralele mes Bjellorusisë dhe Finlandës të mos rezultojë me fitoren e përfaqësueses nordike. Fati përfundimtar i grupit do të vuloset gjatë muajit nëntor. Përfaqësuesja kuqezi do të presë fillimisht Finlandën në shtëpi dhe më pas do të udhëtojë në transfertë për afrimin e fundit ndaj Bjellorusisë, dy sfida vendimtare për pozitat e saj në grupin C1. Rezultatet e deritanishme: 26/09 San Marino - Finlandë 0-7 26/09 Shqipëri - Bjellorusi 2-0 29/09 Finlandë - Bjellorusi 0-0 29/09 San Marino - Shqipëri 0-3 03/10 Finlandë - Shqipëri 2-1 03/10 Bjellorusi - San Marino 4-0 Kalendari i ndeshjeve të ardhshme: 06/10 Shqipëri - San Marino (Ora 20:45) 06/10 Bjellorusi - Finlandë (Ora 20:45) 12/11 Shqipëri - Finlandë (Ora 20:45) 12/11 San Marino - Bjellorusi (Ora 20:45) 15/11 Bjellorusi - Shqipëri (Ora 18:00) 15/11 Finlandë - San Marino (Ora 18:00)