Kushti i PDK-së për presidentin, Hamza pas takimit me Kurtin: Votat jepen menjëherë nëse kalon Ligji

Kryetari i Partisë Demokratike të Kosovës, Bedri Hamza, ka dalë në një deklaratë për media pas përfundimit të takimit me kryeministrin Albin Kurti, ku ka sqaruar qëndrimin e partisë që ai drejton lidhur me zhvillimet e fundit politike dhe çështjen e zgjedhjes së presidentit. Gjatë fjalës së tij, kreu i PDK-së ka riafirmuar kërkesën e prerë të subjektit politik që ai përfaqëson, duke kërkuar miratimin përfundimtar të ligjit përkatës në të dyja leximet si parakusht kyç për çdo hap të mëtejshëm institucional. ‘’Vazhdimisht po e them kërkesa e PDK’së është aprovimi i ligjit në dy lexime, aprovimi final i ligjit, pastaj PDK është e gatshme në të njëjtën ditë, në seancën e radhës me bisedu me gjet zgjidhjen për presidentin dhe me i dhanë votat për presidentin. Bisedat i kemi përfundu, janë edhe disa ditë ku kemi mundësi me arrit marrëveshjen, nuk e di a do të ndodh marrëveshja, por përndryshe kjo është kërkesa jonë dhe nuk ka të bëjë me nevojën për PDK’në,’’ u expressua Hamza para gazetarëve.