Gjinovci thumbon opozitën për takimet me Kurtin në Qeveri: Tani po shkoni ju tek ai

Analisti politik Rron Gjinovci ka përdorur ton ironik për të komentuar zhvillimet e fundit në skenën politike vendase, duke u ndalur te takimet e liderëve opozitarë me kryeministrin Albin Kurti brenda ndërtesës ekzekutive. Përmes një postimi në platformat digjitale, ai ka analizuar qasjen e Partisë Demokratike të Kosovës (PDK) dhe Lidhjes Demokratike të Kosovës (LDK) ndaj kreut të qeverisë, duke evokuar një zhvendosje të raporteve dhe dinamikave mes pozitës dhe opozitës. "U forcu Albini tash spo ju shkon në Kuvend, por po i vijnë këta në Qeveri", ka shkruar Gjinovci, duke shoqëruar reagimin e tij me nota sarkazme. Këto zhvillime vijnë menjëherë pas serisë së takimeve që kryeministri Kurti ka zhvilluar veçmas me kryetarin e LDK-së, Lumir Abdixhiku, dhe me kandidatin e PDK-së për kryeministër, Bedri Hamza.