Courtois: Manchester City ka manipuluar garat dhe ka prishur garën e drejtë

Portieri i njohur belg, Thibaut Courtois, ka dhënë një deklaratë të fortë lidhur me vendimin për dënimin e Manchester Cityt për shkelje financiare, duke theksuar se veprimet e klubit anglez përbëjnë një manipulim të drejtpërdrejtë të garave sportive. Futbollisti që dikur mbrojti ngjyrat e Chelseas dhe që aktualisht luan për Real Madridin, vuri në dukje se triumfet dhe sukseset e “Qytetarëve” meritojnë të vihen në dyshim, sidomos kur merren parasysh avantazhet e padrejta që u krijuan përmes fshehjes së të dhënave financiare. “Ajo që ka bërë Manchester City është që i ka manipuluar garat”, u shpreh gardiani belg gjatë prononcimit të tij. Duke iu referuar ndikimit që këto parregullsi patën në tregun e transferimeve, ai shtoi: “Ndoshta, nëse nuk do ta kishin bërë atë që bënë, nuk do të kishin mundur t’i joshin lojtarët që arritën t’i transferonin”.