Udhëtime drejt Stambollit dhe Selanikut: Barileva Reisen lançon ofertën prej 59 eurosh

Kompania e njohur e transportit, Barileva Reisen, ka nisur zyrtarisht operimin në linjën e rregullt Prishtinë–Stamboll, duke u ofruar qytetarëve mundësinë e udhëtimeve komode dhe të sigurta drejt metropolit turk. Në kuadër të këtij zgjerimi të shërbimeve, agjencia ka përgatitur një pako promovuese për të gjithë të interesuarit që duan të vizitojnë Stambollin ose Selanikun. Për vetëm 59 euro për person, udhëtarët mund të përfitojnë një eksperiencë 3-ditore me 2 netë qëndrimi. Në këtë çmim promocional përfshihet transporti me autobusë të rehatshëm, akomodimi në hotel, shërbimi i mëngjesit, qasja e lirë në shërbimet e SPA-së, si dhe realizimi i vizitave sipas programit të paracaktuar turistik.