Tuchel jep sinjalin e fortë: Edhe nga Championshipi, yjet e Cityt mbeten në planet e Anglisë

Përzgjedhësi i ri i Kombëtares së Anglisë, Thomas Tuchel, ka bërë të qartë se statusi i futbollistëve të Manchester Cityt nuk do të ndryshojë në sytë e tij, pavarësisht situatës administrative ose sportive të klubit në tabelë. Strategu gjermani ka theksuar se dyert e Përfaqësueses angleze do të mbeten të hapura për lojtarët e kësaj skuadre, madje edhe në një skenar hipotetik ku "Qytetarët" do të rrëzoheshin papritur në divizionin e dytë (Championship). Duke folur për kriteret e tij të përzgjedhjes, Tuchel u shpreh se çdo rast do të analizohet në mënyrë individuale për të ndërtuar grupin më konkurrues të mundshëm. "Gjithmonë ekziston një mundësi e tillë", deklaroi tekniku gjerman. "Unë besoj se synimi im kryesor do të jetë gjithmonë krijimi i formacionit më të mirë të mundshëm për çdo grumbullim, sfidë apo kompeticion të madh, ndaj nuk do ta përjashtoj kurrë një lojtar vetëm pse nuk lënë në elitën e futbollit vendas", shtoi ai. Në fund, Tuchel përmbylli duke thënë se situatat kërkojnë qasje fleksibël: "Për këtë arsye, çdo situatë duhet të vlerësohet me kujdes dhe veçmas nga të tjerat".