Zbardhet data e lansimit: Filmi i ri i 'Game of Thrones' për pushtimet e Targaryenëve vjen në qershor të 2029

Universi fantastik i Westeros po përgatitet për një tjetër prodhim madhështor kinematografik. Filmi i shumëpritur "Game of Thrones: Aegon's Conquest" është caktuar zyrtarisht të debutojë në ekranet e mëdha më 6 qershor 2029. Projektetet e këtij filmi do të udhëhiqen nga regjisori Owen Harris, i cili gëzon një reputacion të lartë falë angazhimit të tij në serialin "A Knight of the Seven Kingdoms", ndërsa penë e skenarit do të jetë ajo e Beau Willimon. Detajet rreth ngjarjeve dhe fabulës mbeten ende mjaft të rezervuara. Megjithatë, burimet konfirmojnë se qendra e vëmendjes do të jetë Aegon I, figura legjendare e themelimit të dinastisë Targaryen, dhe fushata e tij për nënshtrimin e Westeros shekuj para ngjarjeve të njohura në serialin amë "Game of Thrones". Deri më tani, personazhi i Aegon I nuk ka shkelur kurrë në ekran dhe mbetet enigmë se kush do të marrë përsipër interpretimin e tij. Kjo linjë familjare mbretërore, prej së cilës më vonë lindi edhe ikona Daenerys Targaryen (e portretizuar nga Emilia Clarke), ka shërbyer si gurthemeli për dy projekte të tjera të suksesshme të HBO-së, “House of the Dragon” dhe “A Knight of the Seven Kingdoms”. Ndërkohë, seriali origjinal kinematografik, i mbështetur në sagën e romaneve bestseller të autorit George R.R. Martin, mbajti mbërthyer miliona adhurues për tetë sezone të plota ndërmjet viteve 2011 dhe 2019. Përveç angazhimit si producent ekzekutiv në serialin e HBO-së “A Knight of the Seven Kingdoms”, regjisori Harris ka drejtuar edhe episodet e para të atij sezoni. CV-ja e tij e pasur artistike përfshin gjithashtu drejtimin e projekteve të njohura si seriali “Black Mirror”, ribërja e vitit 2019 e “Twilight Zone”, si dhe “Brave New World” ku luan aktorja Alden Ehrenreich.