Prapaskenat e largimit të Ronaldos: Zhgënjimi i thellë që çoi në vendimin e bujshëm

Një tjetër detaj i bujshëm ka dalë në dritë lidhur me vendimin e papritur të Cristiano Ronaldos për të braktisur grumbullimin e kombëtares portugeze, pak ditë para sfidës së Ligës e Kombeve kundër Danimarkës. Zëvendësdrejtor i gazetës prestigjioze “Record”, Vitor Pinto, ka zbuluar një arsye të fshehur që mund të ketë ndikuar ndjeshëm në këtë vendim të kapitenit. Në qendër të kësaj çështjeje thuhet se qëndron karriera e djalit të madh të yllit portugez, Cristiano Ronaldo Jr., dhe fakti se ai nuk është përfshirë në planet e ekipeve kombëtare të moshave. “Bëhet fjalë për një tjetër motiv që e ka lënduar thellë Cristiano Ronaldon. Edhe pse mbase nuk ka ndikuar në mënyrë direkte dhe të menjëhershme në largimin e tij nga skuadra, në rrethana të tilla të gjithë faktorët bëhen bashkë. Ylli portugez është ndier i fyer dhe i zhgënjyer pasi Cristiano Jr. u la jashtë listës së përfaqësueses U-16”, – u shpreh Pinto gjatë prononcimit të tij.