Roberto Mancini para sfidës me Belgjikën: Ndeshja e parë mbart gjithmonë vështirësi

“Sot do të jetë emocionuese, si gjithmonë. Shpresoj që të mos jetë ndryshe. Kemi përjetuar momente të mëdha kënaqësie në këtë stadium; le të shpresojmë për një nisje të mbarë.” Këto kanë qenë fjalët e trajnerit të Italisë, Roberto Mancini, në prag të rikthimit të tij në krye të stolin e kombëtares për sfidën hapëse të Ligës së Kombeve ndaj Belgjikës në stadiumin “Olimpico”. “Duhet të punojmë fort dhe shpejt. Gjërat kanë shkuar mirë gjatë dy ditëve të fundit me këtë përzierje lojtarësh me përvojë dhe të rinjsh. Ndeshja e parë është gjithmonë më e vështira, duhet ta nisim mbarë. Duhet të shohim përtej ndeshjes me Bosnjën, e tillë është natyra e futbollit; ndonjëherë humbet ndeshje në mënyrë të çuditshme”, u shpreh Mancini. Tekniku italian shtoi më tej se duhet parë përpara, duke theksuar se ekziston gjithmonë mundësia për t’u rikthyer shpejt në lojë. “Fokusi ynë është te e ardhmja. Kemi zhvilluar dy seanca stërvitore në katër ose pesë ditë; kam pasur kohë të njoh disa lojtarë që nuk i njihnim mirë, gjë që ishte e rëndësishme. Djemtë janë gati; le të shpresojmë se do të bëjmë zgjedhjet e duhura.” “Shpresojmë të arrijmë në finalen e Ligës së Kombeve, por nuk do të jetë e lehtë sepse grupi është i fortë. Synimi është të luajmë mirë që në fillim. Nuk do të jetë e lehtë, pasi kemi pasur vetëm dy seanca të plota stërvitore, por kështu ndodh me ekipet kombëtare. Duhet të luajmë mirë dhe të marrim rezultat; kjo është e vetmja mënyrë për të fituar zemrat e tifozëve“, deklaroi ai. Në mbyllje, Mancini pranoi se ndjen një presion pozitiv, por kërkoi që lojtarët ta shijojnë takimin. “Është një presion pozitiv, bëhet fjalë për futboll, për të bërë atë që duam dhe djemtë duhet ta shijojnë lojën. Megjithatë, sigurisht që jam i emocionuar. Shpresojmë të vazhdojmë të fitojmë. Megjithatë, Belgjika është një skuadër e fortë dhe nuk do të jetë e lehtë; ata kanë një trajner të shkëlqyer dhe arritja e fitores do të jetë sfidë”, përfundoi ai.