Kërkesë urgjente nga Aleanca: Të mbahet sot seanca për ndryshimin e Ligjit të Speciales

Deputeti i Aleancës, Burim Ramadani, ka ngritur një kërkesë të prerë për thirrjen e menjëhershme të seancës parlamentare, e cila i hap rrugë votimit të ndryshimeve në Ligjin për Gjykatën Speciale. Përmes një reagimi të bërë publik në rrjetet sociale, Ramadani ka insistuar që Kuvendi të veprojë pa humbur kohë dhe seanca të organizohet gjatë ditës së sotme. "Thirreni more seancën sot menjëherë! Ta votojmë ligjin që e kërkuan tash e 17 ditë qytetarët në protestë! Çka po prisni?", ka shkruar ndër të tjera deputeti Ramadani në profilin e tij.