Gjermania rikonfirmon mbështetjen për Kosovën: Friedrich Merz i uron suksese Albin Kurtit për mandatin e ri

Kryeministri i Republikës së Kosovës, Albin Kurti, ka marrë një mesazh urimi nga Kancelari i Republikës Federale të Gjermanisë, Friedrich Merz, me rastin e krijimit të Qeverisë së re dhe nisjes së këtij mandati qeverisës. Në korrespondencën e tij zyrtare, kreu i ekzekutivit gjerman i ka përcjellë urimet më të sinqerta kreut të qeverisë kosovare për këtë detyrë, duke vënë në pah se vendi ka kapërcyer një periudhë të gjatë ngërçi dhe pasigurie politike që i ka sjellë shpenzime të konsiderueshme shoqërisë. “Ju përgëzoj përzemërsisht për rizgjedhjen Tuaj Kryeministër i Republikës së Kosovës. Kosova ka lënë pas muaj të tërë të pasigurisë politike, e cila i ka imponuar vendit kosto të larta. Konfirmimi i zgjedhjes Tuaj ofron mundësinë e ndërtimit të urave përtej prizmit partiak, zgjidhjes së çështjeve të hapura institucionale dhe avancimit të reformave”, ka shkruar Kancelari Merz në letrën e tij. Ndër të tjera, krahas dëshirave për punë të mbarë dhe arritje në këtë detyrë të re, udhëheqësi gjerman ka garantuar se Berlini do të mbetet një mbështetës i palëkundur i Kosovës, duke evokuar lidhjet e ngushta miqësore ndërmjet dy popujve tanë.