Gjermania rikonfirmon mbështetjen për Kosovën: Kancelari Merz uron kryeministrin Kurti për mandatin e ri

Kryeministri i Republikës së Kosovës, Albin Kurti, ka marrë një letër urimi nga kreu i ekzekutivit të Republikës Federale të Gjermanisë, Kancelari Friedrich Merz, lidhur me marrjen e detyrës dhe formimin e kabinetit të ri qeverisëz. Në mesazhin e tij zyrtar, Kancelari gjerman ka shprehur urimet e përzemërta për këtë rizgjedhje, duke vënë në dukje se Kosova tashmë ka lënë prapa një periudhë të gjatë pasigurie politike që i ka sjellë vendit kosto të ndjeshme. Sipas Merz, konfirmimi i këtij mandati krijon një dritare të rëndësishme mundësish për të krijuar ura bashkëpunimi që tejkalojnë interesat partiake, për t'i dhënë zgjidhje çështjeve institucionale të mbetura pezull dhe për t'i dhënë shtytje reformave vendimtare. Në mbyllje të letrës së tij, krahas urimeve për suksese në detyrat e reja qeverisëse, Kancelari Merz ka garantuar se Gjermania do të vijojë të qëndrojë fuqishëm në krah të Kosovës, duke vënë në pah lidhjen e veçantë dhe miqësore mes dy popujve.