Mëngjes i freskët dhe termometrit që ngjiten lart: Ja çfarë moti na pret gjatë ditës

Territori i vendit tonë gjatë kësaj dite do të karakterizohet nga një mot stabil, ku do të mbizotërojë dielli dhe vranësirat e pakta kalimtare. Këto vranësira do të jenë më të theksuara kryesisht në zonat malore, megjithatë meteorologët bëjnë me dije se nuk do ketë reshje shiu apo dëbore. Bazuar në parashikimet e Institutit Hidrometeorologjik të Kosovës, termometrat në orët e para të mëngjesit do të shënojnë vlera të ulëta, ku minimalet do të lëvizin mes minus 1 deri në 3 gradë celsius. Ndërkohë, gjatë orëve të mesditës situata do të ndryshojë ndjeshëm, duke sjellë maksimale që pritet të arrijnë deri në 22 gradë celsius. Ekspertët e meteorologjisë theksojnë se ky ndryshim i theksuar mes temperaturave të mëngjesit dhe atyre të mesditës do të krijojë kushte më të favorshme termike për qytetarët gjatë periudhës ditore. Sa i përket fushave të erës, ajo do të fryjë kryesisht nga drejtimi i verilindjes, duke ruajtur një shpejtësi të lehtë prej 1 deri në 4 metra për sekondë.